Und scho wider ich :FOU:
nomal min GB für alli wo ihn verpasst hend will die flinki niggi grad de neu thread gmacht het.und wenn jetzt grad wider en neue set cho weg de corinne lahn ichs denn also siiiiii :razz:
Die eine werdets chli mitverfolgt ha am mittwuch bini ja scho sehr unruhig gsi.ide nacht bini de nomal id badwanne weg de schmerze und woni ha wele use cho hani s erst mal so es zwicke gspührt.de isch 23.30h gsi.ha de chli abgwartet,d wehe sind sehr verschiede stark und unregelmässig cho bis am 1h.kurz vorher hani schomal in spital aglüte und sie het gmeint ich sell sicher warte bis es regelmässiger chäm.ha min fründ mal gweckt und gseit,was los isch und ha gmeint er sell aber no chli schlafe wenns gat,was er au gmacht het.ich bin use go dvd luege und ha schön ufgschriebe wenn e wehe isch cho.jaa abem 1h sinds de scho 8minute gsi.ha min fründ definitiv usem bett gholt,aaglüte dass ich jetzt sicher chume,die letzte sache zäme packt,s rättli no verpflegt und de simer gfahre.er isch no go parkiere und ich bin scho ufe.obe usem lift use cho hani grad nomal ad wand glehnt e wehe la verstriiche.sie het mir erklärt,sie hängi mich jetzt nomal e halb stund as ctg,untersuechi mi de und de wird entschiede obi nomal sell/wet hei oder blibe.ich ha für mich scho denkt neeeei miiiich bringeder da nüme weg!und das huere ctg het nit wele ufhöre und eeendli isch si cho untersueche!mumu verstriche het si ganz überrascht festgstellt.het mir aber doch no abote,nomal hei z gah,sie gäbi mir medis wo ich d wehe nit so fest gspühre wo de körper aber trotzdem wiiter schafft.nenee,d sophia blibt aber sicher.sind de is geburtszimmer cho,zum d infusion lege hends extra öper vo de anästhesie la cho und de hani ebe das mittel übercho und ich ha no chli chönne döse.ha aber trotzdem jedi wehe gmerkt.irgendwenn nach de 4i het si nomal mumu agluegt und isch scho 8cm offe gsi,was sie nomal überrascht het.sie het mi gfragt weg de pda und ich ha gseit eich lieber nit und si het gfunde,sie glaubi au nit,dass ichs brüchi,das gäch so zügig voraa bi mir.und de ischs los gange.bin gstande,mini ärm mim fründ um de hals gschlunge und er het mi ghebt under de ärm dure.bi jedere wehe bini mitem usschnuufe id chnüü abe und er het mi gstützt.bin also mega stolz uf ihn,wie er mir het gholfe.irgendwenn het sich aber min rugge zwische de wehe nüm entspannt und si het vorgschlage es bad z neh.währetem iilaufe het si mi massiert.usserdem het si de store ufe la und s fenster ufgmacht,isch am dämmere gsi und hend de zwische de wehe de sunneufgang überem zürisee chönne gniesse.
Am 6i bini id badwanne gstiege und nüme use cho.det hani zwischedure wider biz chönne entspanne.mumu isch inzwische scho ganz offe gsi.das het si anschienend am schweissfilm erkennt wo ich uf de oberlippe ha gha.hebamme-weisheite sie hend mi immer wieder gfragt,obs d fruchtblase seled sprenge.ha mi sehr lang gweigeret aber kurz nach de 7ni woni eich scho presswehe ha gha aber doch nit recht ha chönne presse hani de igwilligt.ha de aber doch no fast zwei stund presst.zwische dure bini immer wider für paar minute igschlafe vor erschöpfig und wenns wider isch los gange hani denkt oh nei bitte bitte bitte no chli meh schlafe!und mängisch hani chli frustiert dra denkt,dass mini muetter mich mit 3pressewehe het uf de welt gha.irgendwenn isch de moment cho woni gseit ha,das baby passi doch nie das dure.ah ja und ha scho sit längerem use gfunde gha,dass es schön gäbig isch,richtig z schreie bi de wehe.entsprechend und au weg de galle wo mir immer wider isch ufe cho hani die letzte tag no halsweh gha :D am schluss bini chli verzwiiflet,woni amel gmerkt ha wie sie wieder hindere rutscht.vorem letzte mal presse bevor de chopf isch dus gsi hani denkt es verriist mer s becki.und plötzlich isch de chopf duse gsi!sie hend de grad scho müsse abnable will d nabelschnuer vorem hals isch gspannt gsi.und e minute später isch si ganz dusse gsi und ich ha si usem wasser zu mir ufe chönne neh.ich ha die ganz ziit nur widerholt mis baby,mis baby und de hani gfragt wies heisst und all lueged mich fragend aa und ich was isches jetzt würkli!! und ab denn bini wider hellwach und topfit gsi!si het mit grosse auge ume gluegt.und woni am usstiige bin gsi,het si scho zum papi dörfe.nachgeburt isch erst ufem bett use cho.d ronja inzwische wider bi mir und während ich bin gnäht worde (stufe II) het d ronja scho afange nuggele ade brust und het das fast zwei stund gmacht.min fründ isch go zmorge organisiere und de hemer biz gesse und gege mittag hemer uf d station gwechselt.han zwei klasse fraue im zimmer gha.
Am namittag isch scho viiiel bsuech cho und all sind schwer verliebt in si.die erst nach tisch chli streng gsi.aber i de zweite nacht hani si s erst mal pukt und si het en nuggi übercho.sie wird glaub nit es nuggi-chind.mängisch het si eifach es suug-bedürfnis und de wet sie ihn en moment und de isch wieder guet.
Sit mir dehei sind schlaft immer wunderbar.chunt s erst mal nach 6std und de wieder nach 4std.de tag dur het si 3std-rhythmus.und schlaft au gaaaanz viel.
FAZIT zur wassergeburt: es isch ja nit plant gsi,aber cha mir jetzt nachträchlich nix anders vorstelle.ha mi eifach viel besser chönne entspanne zwische de wehe.
@corinne: ich würs uf jede fall probiere,aber sie werdet dir au no säge,dass du musch use wenn d herztön vom chline schlechter werdet.am beste gasch ohni z viel vorstellige det hii.chasch überhaupt nit vorussäge was dini bedürfnis werdet si.au wenns schlussendli en kaiserschnitt git,sie werdet ihri gründ ha wenns zu dere massnahm griffet.ich ha mir eifach gseit ka,ich la mache was nötig isch für d sicherheit vom baby und vo mir.und so bini relativ entspannt gsi.wenn der no chli vo de station sell verzelle und so,eifach melde.schick der no mini nummer im fb.
Sooooo das isch min roman.uf all andere gangi baldmöglichst au no ii (ha nur denkt,bi de corinne weiss mer ja nie wie lang sie no zum lese chunt :D)
Liebi grüessli
sophia